ថ្ងៃទី 11 ខែ មករា ឆ្នាំ ២០១៣ ខាងមុខនេះ ក្រុមហ៊ុន iOne សហការជាមួយ និង ភោជនីយដ្ឋាន Fish & Co នឹង រៀបចំឡើងពិធីជួបជុំដ៏ធំមួយសម្រាប់មិត្តអ្នកគាំទ្រក្រុមហ៊ុន iOne ទាំងអស់នៅក្នុងព្រះរាជាណាចក្រកម្ពុជាដែលបានជ្រើសរើសប្រើប្រាស់ផលិតផល Apple គ្រប់ប្រភេទដែលនាំចូលដោយក្រុមហ៊ុន iOne ជាមួយកម្មវិធីពិសេសនេះ នឹងប្រារព្វធ្វើឡើងនៅក្នុងភោជនីយដ្ឋាន Fish & Co ដែលមានអាស័យដ្ឋានសិ្ថតនៅមាត់ទន្លេជិតផ្សារាត្រី។
តាមការបញ្ជាក់របស់ក្រុមហ៊ុន iOne បានឱ្យដឹងថានេះគឺលើកទីមួយហើយដែលក្រុមហ៊ុនរៀបចំនូវកម្មវិធីនេះឡើងហើយសម្រាប់ការចូលរួមនៅក្នុងកម្មវិធីជួបជុំលើកនេះគឺ
iOne Fan ទាំងអស់គ្រាន់តែជាវសំបុត្រមួយតម្លៃ១០ដុល្លារ តាមរយៈនៃការជាវនូវសំបុត្រនេះ គឺនឹងទទួលបាននូវអត្ថប្រយោជន៍ជាច្រើនរួមមានដូចជាការទទួលទានអាហាប៊ូហ្វេ ព្រមទាំងភេសជ្ជៈ និងមានអាវយឺតចំនួនមួយ ហើយនិងប័ណ្ណសមាជិកពីភោជនីយដ្ឋាន Fish & Co ការលេងហ្គេមកម្សាន្តដើម្បីឈ្នះរង្វាន់ ហើយមើលការប្រគំដន្ដ្រីដ៏អស្ចារ្យដោយយក iPad មកធ្វើ ឧបករណ៍ដន្ដ្រីអ្វីដែលកាន់តែពិសេស នោះគឺមានការចាប់ឆ្នោតផ្សងសំណាងសម្រាប់ iOne Fan ទាំងអស់ទៀតផងដោយមានរង្វាន់ជាច្រើនសន្ធឹកសន្ធាប់ ដែល រង្វាន់ធំនោះ គឺ iPad Mini ចំនួនមួយរង្វាន់។
សូមបញ្ជាក់ថា កម្មវិធីនេះនឹងប្រារឰធ្វើឡើងចាប់ពីម៉ោង៥: ០០ ល្ងាច ដល់ ម៉ោង១០:០០យប់ នៅក្នុងកម្មវិធីនេះក្រុមហ៊ុន នឹងមានរៀបចំឡើងនូវកម្មវិធីពិសេសៗ ជាច្រើន ហើយ iOne Fan ដែលចូលរួមទាំងអស់ គឺត្រូវតែមានអាយុចាប់ពី 16 ឆ្នាំឡើងទៅ។
ក្រុមហ៊ុន iOne បានបន្ថែមឱ្យដឹងទៀតថា សម្រាប់សំបុត្រនេះ iOne Fan ទាំងអស់់ អាចរកជាវបាននៅគ្រប់សាខារបស់ក្រុមហ៊ុន iOne ទាំងអស់នៅក្នុងរាជធានីភ្នំពេញ និងនៅភោជនីយដ្ឋាន Fish & Co ហើយគោលបំណងសំខាន់រដែលក្រុមហ៊ុន iOne រៀបចំនូវកម្មវិធីនេះគឺដើម្បីជាការលើកទឹកចិត្ដទៅដល់មិត្ដអ្នកគាំទ្រក្រុមហ៊ុន iOne (iOne Fan) ទាំងអស់ក៏ដូចជាចង់ឱ្យពួកគាត់ទាំងអស់ បានជួបជុំគ្នាផ្ទាល់ដើម្បីពិភាក្សាគ្នានិង ផ្លាស់ប្ដូរបទពិសោធន៍គ្នាទៅវិញទៅមក និងបង្កើននូវការទំនាក់ទំនង់ឱ្យកានតែភាពជិតស្និតច្រើនថែមទៀតរវាងក្រុមហ៊ុន iOne ជាមួយនិងFan ។
ម្យ៉ាងទៀតគឺចង់បង្ហាញឱ្យអតិថិជនទាំងអស់បានជ្រាបថាក្រុមហ៊ុន iOne មិនត្រឹមតែនាំមកនូវផលិតផលថ្មីៗ និងមានការធានាត្រឹមត្រូវជូនអ្នកប្រើប្រាស់នោះទេគឺថែមទាំងយកចិត្ដទុកដាក់ចំពោះអតិថិជនទៀតផងជាក់ស្ដែងដូចជាការរៀបចំឱ្យមានការជួបជុំគ្នានេះជាដើម។
បច្ចុប្បន្ននេះក្រុមហ៊ុន iOne មានសាខាចំនួនប្រាំពីរដែលសាខាទីមួយ iOneCanadia មានអាស័យដ្ឋានស្ថិតនៅជាន់ ផ្ទាល់ដីអគារពាណិជ្ជកម្មកាណាឌីយ៉ាមហាវិថីព្រះមុនីវង្សកែងផ្លូវក្រមួនសរទូរស័ព្ទលេខ ០២៣៩៩ ៨៨ ៨៩,សាខាទីពី iOne Sovanna មានទីតាំងស្ថិតនៅជាន់ផ្ទាល់ដីផ្សារទំនើបសុវណ្ណា លេខទូរស័ព្ទ ០២៣ ៩៩ ៣១ ៨១,សាខាទីបី iOneRatana មានទីតាំងស្ថិតនៅជាន់ផ្ទាល់ដីផ្សារទំនើបរតនា តាមបណ្ដោយមហាវិថីសហព័ន្ធរូស្ស៊ី លេខទូរស័ព្ទ០២៣ ៨៨ ៣១ ០១សាខាទីបួន iOne Monivong មានអាស័យដ្ឋានស្ថិតនៅអគារលេខ ៤៦៣ មហាវិថីមុនីវង្ស ខាងត្បូង អតីតក្រសួងទេសចរណ៍ ទូរស័ព្ទលេខ ០២៣ ២២២ ២៤០, សាខាទីប្រាំ iOne Service Center មានទីតាំងស្ថិតនៅអគារលេខ ៣៩៤-៣៩៦ ទូរស័ព្ទ លេខ ០២៣ ៩៩ ៧៥ ៧៥,សាខាទីប្រាំមួយ iOnePreah Sihanouk មានទីតាំងស្ថិតនៅផ្ទះលេខ ១៥៨ (Lucky Burger) ជាន់ទីពីរតាមបណ្ដោយមហាវិថីព្រះសីហនុ ទូរស័ព្ទលេខ ០២៣ ៩៩ ៣១ ៦៣ និងសាខាទីប្រាំពី iOne Reap មានអាស័យដ្ឋានស្ថិតនៅអគារលេខ AII 1776 ផ្លូវស៊ីវត្ថាមណ្ឌល២ សង្កាត់សា្វយដង្គុំខេត្ដសៀមរាបទូរស័ព្ទលេខ ០២៣ ៧៦ ១០១៩ ៕
0 comments:
Post a Comment