ទូរស័ព្ទជាច្រើនស៊េរីត្រូវបានបញ្ជូនទៅកាន់ទីផ្សារដែលបំពាក់ទៅដោយបច្ចេកវិទ្យាទាន់សម័យនិងគ្រប់គ្រាន់ក្នុងការដណ្តើមការគាំទ្រពីអ្នកប្រើប្រាស់ដូចៗគ្នាបាន។ក្នុងឆ្នាំកន្លងមកមានទំនោរថា នវានុវត្តលើទូរស័ព្ទដៃចាប់ផ្តើមផ្តល់សញ្ញាធ្លាក់ចុះ ទោះយ៉ាងណាក៏ដោយក្នុងឆ្នាំ២០១៣នេះ យើងនឹងបានឃើញការរីកចម្រើនរបស់បច្ចេកវិទ្យាលើទូរស័ព្ទដៃជាបន្តទៀត ហើយតើវាមានអ្វីថ្មីៗខ្លះ? Even Bigger Screens – ស្មាតហ្វូនអេក្រង់ធំ
កាលពីឆ្នាំ 2011 ការបង្ហាញមុខរបស់ Samsung Galaxy Note បានបង្ហាញយ៉ាងច្បាស់ពីទំនោររបស់ស្មាតហ្វូនអេក្រង់ធំខ្លះៗ ហើយហាក់ដូចជាបានអូសទាញស្មាតហ្វូនដទៃទៀតឲ្យចាប់ផ្តើមងាកមកប្រើអេក្រង់ធំឡើងដែរ។ស្មាតហ្វូនអេក្រង់ធំជួនកាលត្រូវគេមើលឃើញថា ជា Tablet តូចនិងហើយហៅឧបករណ៍ប្រភេទនេះថា ‘Phablet’វិញក៏មាន។ ទិសដៅស្មាតហ្វូនអេក្រង់ធំចាប់ផ្តើមចេញមុខកាន់តែច្បាស់ឡើងៗឧទាហរណ៍ដូចជា LG ដែលបានចេញ Optimus Vu ចូលទីផ្សារជាមួយនឹងអេក្រង់ទំហំ៥ អ៊ិង ក្នុងឆ្នាំ២០១២ Samsung ក៏បានបញ្ជូន Galaxy Note II ចូលទីផ្សារ ជាមួយនឹងទំហំដល់ ៥.៥ អ៊ិង ហើយមានទំនោរថា ក្នុងឆ្នាំ២០១៣នេះ Samsung និងបញ្ជូន Galaxy Note IIIចូលទីផ្សារដោយអេក្រង់ទំហំ៦.៣ ផងដែរ។
ស្មាតហ្វូនដែលមានអេក្រង់ធំធ្វើឲ្យអ្នកប្រើប្រាស់មួយចំនួនលើកឡើងថាវាទើសទែងក្នុងពេលដាក់តាមខ្លួន ហើយអ្នកខ្លះនិយាយថាវាមិនអាចប្រើការដោយដៃតែម្ខាងបានទេ ឯអ្នកខ្លះថាជួនកាលមានអារម្មណ៍ខ្មាសអៀនពេលលើកទូរស័ព្ទអេក្រង់ធំនេះស្តាប់ ប៉ុន្តែអ្នកវិភាគខ្លះនិយាយថាទីផ្សារទូរស័ព្ទនេះនឹងមានការប្រកួតប្រជែងកាន់តែខ្លាំងក្នុងឆ្នាំនេះដោយសារក្រុមអ្នកផលិតព្យាយាមកាត់បន្ថយខ្នាតទូរស័ព្ទឲ្យកាន់តែតូចបំផុតហើយធ្វើឲ្យអេក្រង់សល់គែមតិចបំផុតដើម្បីឲ្យងាយក្នុងការដាក់តាមខ្លួនហើយរំពឹងថាស្មាតហ្វូនដែលមានអេក្រង់កម្រិត៥ អ៊ិងក្លាយជាទីពេញនិយមក្នុងឆ្នាំនេះ។ Flexible Screens – អេក្រង់ដែលអាចកាច់ពត់បាន
អេក្រង់ដែលកាន់តែធំតែម្យ៉ាងអាចមិនទាន់គ្រប់គ្រាន់ទេទាំង LG និង Samsung មានផែនការបញ្ជូនស្មាតហ្វូនដែលអមដោយអេក្រង់អាចពត់បត់បែនឲ្យកោងបានហើយវាអាចជួយស្រាយបញ្ហាដែលមិនងាយស្រួលបានយ៉ាងប្រសើរដែលនេះក៏ជាការក្រាលព្រំទៅកាន់ការរចនាម៉ូដស្មាតហ្វូនដែលមានរូបរាងទាន់សម័យមួយកម្រិតទៀតដែរ។
4G – ការតភ្ជាប់បណ្តាញក្នុងល្បឿនលឿន
បដិសេធមិនបានទេថាអ្នកប្រើប្រាស់ស្មាតហ្វូនរមែងត្រូវការលេងអ៊ិនធើរណេតនិងបណ្តាញល្បឿនលឿនហើយមានស្ថិរភាព។ជាងនេះទៀត មានប្រទេសមួយចំនួនចាប់ផ្តើមប្រើ 4G LTEខ្លះហើយ ក្នុងខណៈដែលប្រទេសខ្លះមានត្រឹម 3G 2100 MHz។ទោះជាយ៉ាងនាគេរំពឹងថាក្នុងឆ្នាំ២០១៣នេះស្ទើរគ្រប់ទីកន្លែងនឹងមានប្រើបណ្តាញ 4G ជាមិនខាន។
Waterproofing – មានសមត្ថភាពការពារជម្រាបទឹក
សារធាតុម៉ូលេគុលខ្នាតតូចបំផុតដែលឈ្មោះថា Liquipelត្រូវគេយកទៅប្រើលើស្មាតហ្វូនស៊េរីខ្លះ វាជាសារធាតុស្រោបស្តើងៗដែលមើលមិនឃើញ បើប្រៀបធៀបជាមួយសរសៃសក់សារធាតុនេះស្តើងជាងដល់ទៅ១០០០ ដង ។គេគ្រាន់តែស្រោបសារធាតុនេះទៅ ស្មាតហ្វូនគឺអាចការពារមិនឲ្យជ្រាបទឹកបានជុំវិញតួទូរស័ព្ទ ហើយពេលទូរស័ព្ទជ្រុះចូលទឹកគឺមិនមានបញ្ហាអ្វីទេ៕
អេក្រង់ដែលកាន់តែធំតែម្យ៉ាងអាចមិនទាន់គ្រប់គ្រាន់ទេទាំង LG និង Samsung មានផែនការបញ្ជូនស្មាតហ្វូនដែលអមដោយអេក្រង់អាចពត់បត់បែនឲ្យកោងបានហើយវាអាចជួយស្រាយបញ្ហាដែលមិនងាយស្រួលបានយ៉ាងប្រសើរដែលនេះក៏ជាការក្រាលព្រំទៅកាន់ការរចនាម៉ូដស្មាតហ្វូនដែលមានរូបរាងទាន់សម័យមួយកម្រិតទៀតដែរ។
4G – ការតភ្ជាប់បណ្តាញក្នុងល្បឿនលឿន
បដិសេធមិនបានទេថាអ្នកប្រើប្រាស់ស្មាតហ្វូនរមែងត្រូវការលេងអ៊ិនធើរណេតនិងបណ្តាញល្បឿនលឿនហើយមានស្ថិរភាព។ជាងនេះទៀត មានប្រទេសមួយចំនួនចាប់ផ្តើមប្រើ 4G LTEខ្លះហើយ ក្នុងខណៈដែលប្រទេសខ្លះមានត្រឹម 3G 2100 MHz។ទោះជាយ៉ាងនាគេរំពឹងថាក្នុងឆ្នាំ២០១៣នេះស្ទើរគ្រប់ទីកន្លែងនឹងមានប្រើបណ្តាញ 4G ជាមិនខាន។
Waterproofing – មានសមត្ថភាពការពារជម្រាបទឹក
សារធាតុម៉ូលេគុលខ្នាតតូចបំផុតដែលឈ្មោះថា Liquipelត្រូវគេយកទៅប្រើលើស្មាតហ្វូនស៊េរីខ្លះ វាជាសារធាតុស្រោបស្តើងៗដែលមើលមិនឃើញ បើប្រៀបធៀបជាមួយសរសៃសក់សារធាតុនេះស្តើងជាងដល់ទៅ១០០០ ដង ។គេគ្រាន់តែស្រោបសារធាតុនេះទៅ ស្មាតហ្វូនគឺអាចការពារមិនឲ្យជ្រាបទឹកបានជុំវិញតួទូរស័ព្ទ ហើយពេលទូរស័ព្ទជ្រុះចូលទឹកគឺមិនមានបញ្ហាអ្វីទេ៕
0 comments:
Post a Comment